Plantun de Prouvènço

Pèr coumpara dos planto d'encò nostre

Lycium barbarum & Thymus embergeri

Arnavèu-blanc(-de-Barbarìo)

Lycium barbarum

Solanaceae

Autre noum : Bouissoun-blanc.

Nom en français : Lyciet commun.

Descripcioun :
L'óurigino éuroupenco d'aquest arnavèu-blanc èi discutido. Sèmblo pèr la maje part planta. Es un aubret que fai de flour vióuleto sus de ramo retoumbanto e espinouso. Lycium europaeum a de flour palinouso e d'espinasso alor que Lycium chinense fai de flour mai larjo e porto ges d'espino.

Usanço :
Emai li fueio e li fru sarien manjadis (F. Couplan, op.cit. p. ) cue, soun subretout li fru que soun utilisa en medecino tradiciounalo chinese emé lou noum de "goji". Soun proun anti-óussidant e manja pèr faire dura d'alòngui la vido (paradis terrestre di taouïste). Èi vertuous contre un fube de malautié : anti-cancerous, bon pèr lou cor, contro l'ipertesuro, l'iperglicemìo, lis artèri tapado...

Port : Aubret
Taio : 1 à 3 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Lycium
Famiho : Solanaceae

Ordre : Solanales

Coulour de la flour : Vióuleto
Petalo : 5
Ø (o loungour) flour : 1 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Abriéu à setèmbre

Liò : Sebisso - Bartas - Baragno
Estànci : Termoumediterran à Coulinen
Couroulougi : Óurigino Asìo-Èst
Ref. sc. : Lycium barbarum L., 1753

Ferigouleto(-d'Emberger)

Thymus embergeri

Lamiaceae Labiaceae

Àutri noum : Farigouleto, Serpoulet, Badassoun, Menudet.

Nom en français : Thym d'Emberger.

Descripcioun :
Aquesto ferigouleto trachis en basso prouvènço sus sòu argielous, dins de pelouso bagnado l'ivèr, mai secarouso l'estiéu. Coume tóuti li serpoulet èi pas di mai eisado de destria. Fai partido dóu group di fueio ciliado emé de ramo lateralo que crèisson dins l'an d'un biais iregulié e flourisson (planto simpoudico). Aquésti ramo de flour an li fueio de la baso en fausso-rouseto. Li cambo pulèu roundo porton de péu sus tóuti li cousta. Lis enflourejado formon uno tèsto .

Usanço :
La ferigouleto-d'Emberger a à pau près li mémi prouprieta qu'aquéli de la ferigoulo estènt quand meme mens forto.

Port : Erbo
Taio : 3 à 10 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Thymus
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Remarco : Endemico dóu miejour de Franço

Liò : Pelouso umido - Tepiero seco
Estànci : Mesoumediterran à Subremediterran
Couroulougi : Estenoumediterrano-Nord-Ouèst
Ref. sc. : Thymus embergeri Roussine, 1952

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lycium barbarum & Thymus embergeri

ges

Coumpara Arnavèu-blanc(-de-Barbarìo) emé uno autro planto

Coumpara Ferigouleto(-d'Emberger) emé uno autro planto